呢排LG V20幾好賣，冇計！一來食正市場上機王級手機空檔，再加雙鏡頭及強勁影音表現。如果你都係當中Fans可能要留意，韓國哪邊為V20出了一款幾得意的藍牙喇叭--PH1，論賣相冇得輸，機身帶着點點 Harman Kardon水母喇叭影子，而且中間透明部份，仲支援 LED Mood Lighting 功能，邊播放時會不斷轉換顏色，感覺非常有氣氛。
論音色，以小喇叭來說，360度聲效、百餘呎的屋間感覺基本夠玩，音色偏向重低音及人聲中音，所以都算係POP走向，機身有黑、紅兩色選擇，據知韓國推出時，主要係跟V20一齊買的，香港行貨方面，暫時未見有推出；機價唔算貴，剛到貨時見過高上$600，現在$480買到，價錢不算太高。
查詢：三禾電氣（旺角亞皆老街83號先達廣場1樓F33）
記者、攝影：朱崇德
