衛詩雅、黃浩然（右）和張啟樂昨日在新城接受薛家燕訪問，宣傳在馬來西亞拍攝的新戲《大手牽小手》，問他們在外地拍戲會否避免到異性演員房出入，黃浩然說：「我哋冇對手戲，如果要做嘢旁邊都有工作人員，我只係去過同戲嘅鮑姐（鮑起靜）間房。」另外，衛詩雅與當地8歲童星合作，笑言婆孫戀：「佢好識𠱁女仔，拍攝完臨尾仲送手鏈畀我。」