有錢人應該好鍾意跌市，事關機會係跌出嚟吖嘛，有錢人大把子彈在手，個市唔跌，邊有機會低位撈貨。好似新地（016）大股東郭氏家族同執行董事黃植榮，政府加辣拖低新地股價，佢哋即刻於本周初前後腳入市掃新地，完全係信心嘅表現。
新地上周五企穩115元水平，收市後政府宣佈加辣，本周一新地即係唔見10蚊，正正喺呢個人人心慌嘅時候，大股東就入市。
根據聯交所資料，郭氏家族周一以平均價104.063元，增持19萬股，涉資1,977萬元。翌日，董事黃植榮又斥資1,048萬元，增持10萬股，佢現有超過41萬股新地，市值4,377萬元。由此可見，跌市係最佳嘅入市良機，前日港股大插近千點，你有入市嗎?