永明金融行政總裁（CEO）鄧立新（Jason Dehni）今年5月新上場，本身係黎巴嫩人嘅Jason望落官仔骨骨，估唔到經歷過成為政治難民嘅日子。
Jason童年喺黎巴嫩內戰中度過，後來被迫同屋企人去美國尋求政治庇護，當年只得11歲。
Jason之前接受訪問時提過，父母本來喺黎巴嫩好受尊重，去到波士頓，就同其他移民一樣，最後父母開咗間餐廳努力養大一家人，之後舉家移民到加拿大。
Jason話，生活有時係好艱難，但至少一家人一齊過，作為新移民就更加要為生存奮鬥，面對逆境要有強烈意志，佢自己喺哈佛讀MBA，有兩位兄弟係牙醫。
對於特朗普當選美國總統，佢又一向歧視移民，Jason只係回應一句：「No comment。」