【本報訊】涉嫌殺害女友陳曼儀（Arbe）藏屍衣櫃的姓莫疑兇在內地落網後，陳曼儀的鄰居及好友都表示欣慰。
陳曼儀一名好友兼同事更表示，過去三年，她曾多次到Arbe的墳前冀求Arbe報夢告知兇手身在何方，如今疑兇終於被捕，她謂會再到墳前告知Arbe:「兇手已經捉到，你安息啦!」
鄰居替死者父母開心
Arbe這名好姊妹透露:「雖然我好驚鬼，但周不時都有去（墳場）探Arbe，好想佢可以報夢畀我，話我知個兇手去咗邊？」
隨着疑兇就逮，糾結多年的心結終於可以解開。好姊妹相信「Arbe身邊嘅人喺呢三年嚟，都好想警方拉到佢，𠵱家終於拉到，算係沉冤得雪！」
鄰居周太（圖）亦稱，Arbe為家中長女，父母均有工作，二妹在新加坡做學護，案發後曼儀父母及幼妹仍住舊居。
周太說Arbe又乖又靚女，對她遇害感到非常可惜，而Arbe父母在女兒遇害後大受打擊日漸消瘦，相信他們仍然很傷心，街坊都不敢再提，如今獲悉拉到人，周太說:「都戥佢哋開心，佢（Arbe）阿爺都唔知幾擔心，成日都問『唔知幾時先搵到人（兇手）』。」
■記者簡明恩、劉雲彪