奧蘇利雲喺冠中冠桌球賽（Champion of Champions）表現醒神，過去三屆有兩屆封王，喺今屆亦唔例外，身為三號種籽嘅佢先後擊敗侯爾同埋高特殺入四強，極可能喺星期五嘅準決賽會同世界第一嘅沙比交手。奧蘇利雲喺賽後就好謙咁話：「可以晉級係因為高特並唔喺最佳狀態，不過我都一樣，餘下嘅賽事一定要有改進先得。」