特首選委會噚日開始接受提名，泛民一致高舉No CY旗幟，名正言順話要換特首；建制派相信好羨慕泛民可以暢所欲言，皆因西邊強力部門近日出動，向建制派打探選委戰策略，知道有人想話No CY，已經猛叫唔好，有選委話好冇癮喎！
綜合消息，西環至今都係好撐CY，所以向參選嘅選委示意，咁混亂嘅局勢下唔應應高調表態反梁嘞。眾所周知，1,200人嘅選委小圈子歷屆都係由西環操盤，所以若然開到聲，會披甲嘅建制選委又點會唔聽？八方聽聞，有啲建制選委話想表明撐鬍鬚曾，都被勸話唔多啱時機。
反梁情緒高漲，唔打No CY旗幟，喺個人票要同泛民對戰嘅專業界別形同讓賽；戰醫學界嘅名醫都話要換特首，呢張選戰牌肯定有得打！之前有傳會計界劉麥嘉軒團隊會表明反689，唔知有冇影響呢？