喺舊年喀山游泳世錦賽贏咗男子100米自由泳嘅中國靚仔泳手寧澤濤，早前接受訪問時話里約奧運前代言風波對佢造成好大影響，雖然佢最後都有份去巴西，但喺50自同100自都入唔到決賽爭牌。講到未來嘅發展，呢位23歲泳手話自己都唔係好清楚，所以唔肯定會唔會玩2020年東京奧運；佢仲暗示唔排除暫時離開吓泳池。