【本報訊】灣仔嘉薈軒樓齡不足10年，位置優越，但2014年發生雙屍案後，涉案單位空置多時，至近日才成功租給一名英籍律師，月租以市價平一半僅1.2萬元出租。單位業主、已故教育家陳樹渠長子陳燿璋對於名下物業發生兇案表示「冇辦法，講運氣」，並指新租客「係西人，冇咁多八卦嘢」。他更透露從警方手上收回單位時，旗下員工「個個唔敢入去凶宅，係我一馬當先！」
陳樹渠子花數十萬元裝修
知悉被告Rurik Jutting囚終身後，陳燿璋狠斥罪有應得，不但自斷前程，更害死兩名女子，「簡直係人渣」。對於兇案致單位乏人問津，陳淡然說「樹大有枯枝，族大有乞兒」，遇上變態租客只能歸咎運氣，「（被告）英國劍橋名校、美林投資銀行、職位唔錯，真係估唔到呢啲嘢」。涉案單位約500平方呎，位於31樓，據知當時被告以月租3萬元租住。而本身從事地產業務的陳燿璋透露，案發後欲安排公司內部設計師、工程師負責將單位重新裝修，但兩人均拒絕踏入單位，只有他一馬當先踏入仍染有血迹的案發現場指揮裝修，他自言「真係唔驚」。
他指單位最終要交予街外人裝修，花數十萬元重新鋪過牆壁瓷磚及地板，「貴少少都冇計」。他指現租客是經下屬覓得，對方清楚是本案的案發單位。嘉薈軒現時最平租金為350平方呎的單位，月租1.8萬元。陳呼籲報界「唔好講到凶宅咁恐怖」，認為做人最忌八卦迷信。他稱管理處當時曾建議他「打番堂齋」，他即反駁指對方迷信無知，「死咗嗰兩個女人係印尼籍，印尼籍係信回教，如果真係要靈魂安息，要用回教嘅禮儀去做」。
除雙屍案外，嘉薈軒亦曾發生住客死亡事件。2012年初東區醫院男醫生黃浩卿在租住的39樓單位墮樓自殺，壓中鋼閘分成兩截慘死，事後黃被證實為愛滋病帶菌者。同年6月，57歲澳洲籍男子在天台泳池游早泳時心臟病發身亡。
■記者蘇曉欣、楊思雅