2011年嘅呢個時候，區選完結咗冇耐，唐、梁兩位特首熱門亦小休完，準備投入番備選活動；而逢請必到，幾乎係特首備選人必要有嘅條件。
話說5年前今日，有傳媒收到風，話梁振英會喺一星期內踩足9場，例如去有關教育政策嘅論壇，仲有出席唐唐、全國人大常委范徐麗泰都會去嘅房屋論壇、行政會議餞別佢嗰餐飯、校慶活動、周年晚宴等等，日日都馬不停蹄，為嘅當然喺選票啦，因為佢當年選情仍然被看低一線，個個都話唐唐肯定win，梗係要表現多啲誠意爭突圍。
在任4年幾時間轉眼就過，咦，梁振英都有好耐冇落過區咯喎，例如傳統嘅施政報告地區諮詢會，已經連續兩年無搞。之但係各社團組織嘅活動，幾乎都見到佢嘅身影，重現連走幾場忙碌相，呢啲係咪叫做，選票的力量？