黎芷珊做咗多年娛樂主持，近年被無綫飛出《東張西望》後，憑主持《最佳男主角》彈出，成為金牌主持。但原來芷珊除咗訪問叻，做生意都ok，佢憑轉型創業做眼鏡配飾，仲攞到今屆《金紫荊女企業家非凡大獎》。
芷珊間公司好有意思，事關佢有四分一葡國血統，原名叫Maria Luisa Leitao，佢就用番家族名做公司名，叫黎登配飾（Luisa Leitao）。其實芷珊本身大有來頭，佢曾祖父黎登係當年澳門唯一公證師，而佢姑媽就係賭王何鴻燊元配黎婉華！
芷珊喺娛樂圈人緣勁好，睇佢公司網站，放咗好多名人用佢產品嘅相，包括鄭秀文、楊千嬅、古天樂等等，幫晒手做宣傳。
講開又講，今次得獎嘅靚女仲有已故遠東系創辦人邱德根個孫女邱詠筠（Winnie），同埋莎莎太子女郭詩慧（Melody）。