葉翠翠一向喜歡小動物，現時飼有14歲貓貓BB及13歲狗狗Chika，她說：「有朋友問我BB出世會唔會唔要啲貓狗，我同佢哋講，我擔心佢哋唔要我多啲啦！我𠵱家最希望係佢哋可以健健康康，陪我迎接BB嘅來臨。」
原來翠翠家中本來有兩貓三狗，但先後有兩狗一貓過身，她表示：「其中一隻狗狗叫Pocb，離開時13歲，都好突然㗎。嗰日朝早佢食完早餐，晚上忽然冇胃口，即刻同佢睇醫生，話佢個肝有個瘤，可能咁啱一啲動作令佢壓住個胃，醫生話冇得醫，最後決定畀佢離開，喺診所成個人係崩潰晒。」
至於另一隻貓貓，於翠翠發現懷孕後離開，同樣令她很傷心：「雖然佢都14歲，但真係好唔捨得，𠵱家屋企一貓一狗已經變咗公主王子，隻貓每日24小時最多只有半個鐘唔黐住我，好嗲。」
採訪：李察
