今屆立法會選舉，沙田民政事務專員何麗嫦唔畀本土民主前線梁天琦參選，可以話揭開北京同港府打壓倡議港獨人士參選嘅序幕，之後何麗嫦收到恐嚇信，搞到好大件事，之前有報道話佢會調去項目策劃辦公室，但就冇講邊個接任做沙田DO。
政府噚日出稿，公佈接替何麗嫦嘅人選係政制及內地事務局首席助理秘書長陳婉雯（圖），今日上任。陳婉雯1994年加入政府，之前做過工商及科技局、民政事務總署、發展局同運輸及房屋局，由於青政梁頌恆隨時俾人搣柴，冇得做立法會議員，新界東分分鐘又要搞補選，估計本土派必再派人上陣，八方相信陳婉雯做得沙田DO已經有要入熱廚房嘅心理準備。