一，梁君嚇到失禁，乜主席原來無牙無爪，任由人大釋法擺上枱宰割。形勢所迫，好漢不吃眼前虧，得快些秘密向英國內政部delete上次取消英國居留權的申請，做回一個勇敢的英國人穩陣。
二，釋法大亂碼，留下的蘇州屎好大坨，葉劉已經嗅出糞坑的爛臭味，不斷問自己to jump or not to jump。她叫記者以相同問題迫問鬍鬚曾，他唔使搶咪即刻回應：答案跟你一樣。
三，既然人大代表已經做埋立法會主席份job，主席位置，等同廢嘅，緊急廢位，午夜過後，馬上懸空！大佬，每個月慳番公帑二十萬呀，四年連福利慳成二千二百萬呀（這是愛國陣營計出來條數）。坐在財爺身邊被狼架空兼無聲出過的家強局長，收到！
四，釋法易過剃毛，香港進一步大陸赤化，跟珠海深圳國內城市無異，咁機場三跑起來做乜？即刻叫停，機場跑道唔使分期，全部起晒公屋，政府邀請人大第N次釋法：忠誠愛黨愛國者，優先宣誓入住。