【本報訊】「黐線……揸咁快！」前晚11時許大埔吐露港公路上演一幕驚險的飄移撞壆，據網上熱傳的車Cam片段可見，當時兩架掛着T牌（試車牌）的私家車在公路往沙田方向高速追逐，當駛至科學園對開時，後方灰色私家車疑失控由第三線切往二線，幾乎猛撞向在二線行駛的貨車車尾；私家車司機最後關頭疑煞車及扭軚迴避，結果如飄移般猛撞向右邊的路中分隔石壆，繼而全車打轉橫亙路中，非常驚險。
目擊司機：好吖，揸咁快！
意外後，見到肇禍私家車司機安全步出車廂，並無大礙，但有目擊事件司機及乘客感到不齒：「好吖，揸咁快！」又指兩架牽涉車輛都掛有T牌，認為司機「如果冇戴安全帶，死梗！」有網民指情況如睇動漫《頭文字D》，亦有人批評「唔係快就代表你勁」。
警方發言人稱，當時23歲姓羅私家車司機，沿上址三線駛至一微左彎時，報稱因閃避一輛由二線切往三線的車輛，失控自炒，事件中無人受傷。汽車業界人士指T牌一般是車行人員試車使用，多數只包第三者保險；若車行人員駕駛客人的汽車出事，車行一般要負賠償責任。
■記者劉雲彪