質新馬成功開齋在這天沙田馬場長開長有，第五場四班1000米直路賽，澳洲騎練組合祈普敦與大摩的「蓋世之寶」沿途冇影，陣上只跑最後幾十米，便後發先至反敗為勝，爆大冷打開服役勝利之門，單Win及組合獨贏A3分別派821.5及21元，是繼2005年3月「得運寶」配王志偉93倍贏馬後，大摩馬房十一年來最冷Win。
現年三歲的「蓋世之寶」係全場次冷馬，馬主李澄曜今季首度拉頭馬，佢靚老婆即京林屋大廚Helen又做媽咪已懷孕，這天腹大便便到場，同老公分享喜悅。此駒上季兩戰新馬賽全獲雙位數名次，表現遠離水準，這天季內插四班初出，跑直路賽卻如有神助般，在新配搭祈普敦胯下後上輕勝個多馬位，盡顯超班實力。
祈普敦繼周三晚泥地爆冷贏霍利時馬房「頌友」後，這天又爆出冷門，佢在港累積九Win，其中七駒都係10倍以外冷門，呢位22歲澳洲新秀堪稱香港馬壇冷殺手，「蓋世之寶」亦成為佢個人在港暫時最冷頭馬。
呢場跑出平頭亞軍，主角「祥勝駿駒」及「和平開心」分別由見習騎師蔣嘉琦及黃皓楠策騎，第四名是大熱門雷神與蔡約翰合作馬「首映」。