世界越來越紛擾，不如搵一間清靜嘅咖啡店，飲一杯與別不同嘅咖啡，唞一唞氣吧。
上環蘇杭街食店林立，而且各適其式，碟頭飯、日本菜、法式薄餅，任君選擇，新近有間Coffeeholic by Smith Group Taipei，餐廳佈置簡約，特別在有五味咖啡。
五味咖啡係甜酸苦辣鹹，甜與苦唔出奇，酸咖啡係檸啡，辣咖啡就係加了肉桂粉與辣椒糖漿。試了一杯加了喜馬拉雅海鹽嘅鹹味咖啡（38元），咖啡味本身香濃易入口，加了鹽味感覺過癮。美中不足，係咖啡好快變暖，唔夠熱。
根據資料，此店隸屬於2012年成立嘅台灣品牌Coffee Smith，咖啡豆於2013年獲得台灣IIAC ASIA金獎，豆由南非、巴西、哥倫比亞等咖啡豆拼配而成，經台灣烘焙後直送香港。
編者按：有啱中環人嘅特別食肆或神秘小店，請電郵mailto:[email protected]