跑馬仔選戰令大家紛紛開盤，八方冇票又冇水晶球，最啱剝花生做塘邊鶴，估唔到有公司都食住熱潮尋商機！八方發現有盒花生嘅包裝好得意，盒面印有財爺公仔同金句"I always agree with my boss!"，大大隻字寫住「投我」；盒背就係財爺做紅心嘅標靶。盒內仲有大發現，除咗花生仲有一支飛鏢，又食又玩。
原來有公司食正特首選舉潮推出唔同熱門人選做包裝嘅花生禮盒，叫大家食住花生等睇戲。其他人包括邊谷眼淚邊講「粒粒皆辛苦」嘅689，自稱「官到無求膽自大」嘅奶媽，同埋訓示過蔣元秋「講少啲冇乜用說話」嘅前大主席。花生每盒盛惠$46.89，唔知呢場花生選戰，邊個熱賣領先？