梁特星期五拉埋一眾財金官員宣佈「加辣」措施，將雙倍印花稅(DSD)劃一增至15%。眾官員指政策是針對樓市持續升溫，主要打擊投資者意欲，然而「加辣」無疑阻止投資者，甚至換樓客入市，但是否真如財爺曾俊華所言，有即時冷卻效果則未知，在網上已引起熱烈討論，其中有香討網民就咁睇：
一. 對於好多收租業主來說，物業係最可靠的退休基金，起碼我自己計劃45至50歲退休的理據，就是因為有樓收租。因此中年業主本身唔會輕易放賣物業，如果賣左買唔返的話，就一定更加唔會賣。收租業主從退休角度去睇事物，唔太介意樓價的短期波幅，最重要是穩定有正現金流。
二. 二手盤的另一來源是換樓客。他們可以先賣後買，或先買後賣，但在新辣招下，即使可以退稅，換樓客都唔會想俾政府無息hold住幾十萬，因此佢地絕大部分人都會選擇先賣後買。
先賣或先買，其心理狀態係有極大的差別。當換樓客已買新樓而又沒有能力同時hold兩層，就會急急腳賣走舊樓，這亦是劈價盤的其中一個主要來源。但當業主選擇先賣的話，佢就會考慮到劈價賣俾人的話，新樓業主未必肯劈俾自己，所以一定會堅持自己口價，最多賣唔出繼續住。如此，換樓客的盤源會形成一股唔到價就睇定d的鎖盤效應。
三. 現有的租盤已被現租客佔用，而市場又沒有新晉收租佬買樓放租，那新晉租客就一定要用錢將舊租客趕走先有屋住，舊租客不甘示弱亦會用錢去保住間屋，結果係租金勢必急升。對於收租佬來說，最怕就是同一個屋苑有百幾個租盤放緊。政府現在提升收租門檻減少競爭對手，相信任何一個收緊租的業主都偷笑緊。
來源：香港討論區