想睇吓新鮮出爐世青冠軍麥卓穎玩風帆嘅英姿？咁就啱啦！香港滑浪風帆巡迴賽赤柱錦標賽今日起一連兩日喺赤柱正灘進行，年僅13歲嘅準港隊代表卓穎，就會出戰U15同U17組別嘅Techno板賽事，亦係佢喺上月尾贏得世青賽嘅項目，睇吓佢可唔可以延續強勢再下一城！至於其他港將陳晞文、盧善琳同鄭俊樑等，就會出戰RS:X板項目。