【拆局】
北京突然出重手，以人大釋法解決青年新政議員宣誓風波，政界難免猜測事件會否對下屆特首人選造成影響。政界普遍相信，北京對港越強硬，特首梁振英連任機會越大，但也有人認為北京不等法庭有裁決就出手，似信不過梁有能力處理事件，「就算（北京）行強硬路線，都可以換梁振英」。
「叻過佢又聽話大有人在」
雖立會前主席曾鈺成認為，將今次釋法說成有利梁振英連任，又或將事件聯繫到特首選舉，「有時會比較牽強」，更稱「睇唔到當中有啲乜嘢必然嘅關係」，但政界普遍相信，梁以強硬對付反對派及港獨見稱，若中央要走強硬對港政策路線，牌面上梁連任特首機會越大，「北京真係要全面打，梁振英必定全面執行，分分鐘打得比北京要求更狠」。但也有人認為，梁振英一直對司法覆核勝算十分有信心，但北京不等法庭有裁決，就決定出手釋法，難免令人猜測是否信不過梁振英，而且就算北京要行強硬對港路線，也不一定要用梁振英，「叻過佢又聽話嘅大有人在，可以用葉劉、林鄭，唔一定要畀梁振英連任」。
■記者莫劍弦