此外，樂瞳早前被傳因太高調而被金融男友飛，但事後她指大家只屬朋友關係。前日讀者徐先生透過本報「爆相爆片」，表示見到樂瞳坐港鐵，當時她由中環開始講電話，一直到美孚都未收線，而且全程嬲爆爆。徐先生表示當時正值放工時間，車廂雖然多人，但可能因為樂瞳素顏，不是太多人認得。
事後樂瞳向本報否認不開心：「點會呀？我只係啱啱做完運動，成個人都好攰，所以冇乜表情箒。」最近不少人覺得即使乘客疏落都不敢坐關愛座，擔心被人網上公審，樂瞳說：「我平時都會搭地鐵，但關愛座我一定唔會坐，留畀啲有需要嘅人，不過就算我坐其他位，見到有需要嘅人，我都會九秒九彈起身。」