當大家喺酒樓見到一個着住西裝嘅經理，好正經咁幫你追緊個餸，又點會聯想到呢位經理，當年又搽油、食炭、飲滾油咁，講緊嘅就係近年去咗酒樓做經理嘅吳剛師傅喇。
講到吳剛師傅，又點可以唔提《歡樂滿東華》呢，其實以前嘅《東華》真係幾多嘢睇，唔知由幾時開始，《東華》就變到只係玩下遊戲，聽下歌咁，真係往事只能回味，一齊回憶下當年《東華》有咩好嘢睇。
卡拉之星可能好多讀者都唔識，但當年一班唱得嘅演員，喺《歡樂滿東華》唱歌都籌到好多善款，當年唱得之人有薛家燕、魯振順、王俊棠、王維德等等。
吳剛師傅，由95年開始就亡命表演嘅吳師傅，好似有心口碎大石、食炭、飲滾油。
黎明都係經典之一，喺1992年， 黎天王咬牙切齒咁用條頸去拗攣條鋼筋 ， 後面個陳欣健就笑住幫手箍埋一份。
許秋怡喺94年表演縮骨功匿入個窗口冷氣機入面都算經典。