上個月喺中環舉行嘅電動方程式（FE）香港站搞得唔錯，FE總會同政府都滿意，香港電動方程式行政總裁方仁傑噚日就話，下年再搞嘅機會好大！佢話來年考慮改喺12月舉行以避開風季，亦希望成個活動可以延長至夜晚。方仁傑亦透露，今年舉辦賽事雖然蝕錢但係意料之內，因為第一次搞，興建賽道等原料都要買，下年再搞就會慳番好多成本。