經常喺會議廳發表搞笑言論的民記「元秋」蔣麗芸（圖），噚日又有新作，喺立法會內會上，大讚人大今次釋法係喺「適當時候」作出，「係應該、係適當嘅」，仲話：「假如唔適時去做呢件事，就可能出現曾經出現過的劉嘉玲案咁樣！」
大家無睇錯，元秋會上的確將曾引起人大釋法的居港權案主角吳嘉玲，講錯成「劉」嘉玲！
唔少議員會上聽到，即場爆笑。元秋知自己又講錯嘢，會議結束前，不斷向主持會議的「琼子」李慧琼舉手要求澄青，話：「啱啱我後尾講錯咗劉嘉玲。」
琼子初時都冇理佢，但最後都畀佢發言，元秋更正「件案件係吳嘉玲案」之後，琼子就宣佈散會。