港會噚晚港超聯喺347名觀眾面前迎戰理文流浪，流浪今場用黎耀昌踢單箭頭，呢位之前對南華入兩粒嘅借將上半場妙傳隊友池慶訓，可惜後者失機；換邊後阿昌喺67分鐘又射中柱，好在三分鐘後趙俊傑門前執雞，幫流浪險勝有米高堪士領紅嘅港會1:0。今午兩點半喺香港仔運動場亦有港超睇，由冠忠南區對九巴元朗，80蚊及30蚊嘅門票現場有售。