呢排凡係局長出席公開活動，難免俾人問支持邊個做下屆特首，不過環境局局長黃錦星噚日去一個中電講座，似乎冇人問佢呢條問題，仲可以輕鬆玩3D遊戲，贏番3個蛋撻！
黃錦星噚日出席「中電綠色建築物講座」做主講嘉賓，推廣環保低碳生活，身邊唔見好拍檔大嘥鬼，今年係黃錦星第二年做主講嘉賓，大會仲邀請來自上海同澳門嘅學者、專家分享當地經驗同最新科技發展，中電喺會場仲安排一個3D立體遊戲，介紹佢哋個全新網上節能平台「智能全方位」，而黃錦星仲同中電總裁潘偉賢、中電企業發展總裁莊偉茵一齊玩呢個3D慳電遊戲，最終贏到3個蛋撻！