上個月底，有facebook專頁翻查歷史，搵番上個世紀嘅《YES!》校草選舉嘅相，喺咁多位入圍男仔入面，竟然有個好熟口熟面嘅男生，因為唔少人喺無耐之後都睇過佢做戲，佢就係當時超晒班、冇乜點變樣又似似哋梁朝偉嘅黃宗澤（Bosco）喇！
呢次翻舊賬，Bosco大方承認係相中人，估唔到隔咗兩個星期，昨日再有一張小學生大合照嘅相喺網上流傳，仲話其中一位面圓圓、有少少雙下巴、留咗一把油立立頭髮嘅小學生係Bosco。更加估唔到嘅係，Bosco今次反應迅速，中午大方喺微博再次承認，相中呢個見仔原來都係佢，Bosco留言話：「哈哈，大家眼睛都很雪亮，這個就是我啦！」
咪住先，Bosco究竟係用咗咩方法，由肥仔變靚仔，仲一型就型咗十幾年，可唔可以分享下呀？