草蜢前晚於會展舉行拉闊音樂會，被何超儀暗寸有分享症的徐濠縈，跟老公陳奕迅現身捧場，但未完場就走。草蜢請了楊千嬅、鄭欣宜、王菀之、新青年理髮廳、Super Girls、C AllStar等做嘉賓，草蜢三子跟女舞蹈員跳辣身舞，更與男舞蹈員又摸又攬，全場熱血沸騰。
完騷後，蔡一智被問到跟女舞蹈員咀嘴，他扮儍說：「吓！有咩？其實冇排過，關乎音樂氣氛同情節需要，演員係咁啦。」三子在音樂會上少剝衫，智仔說：「背肌好難操㗎！我都露咗成個背脊出嚟。」而蔡一傑唱《媽媽》時落淚，他說：「因為太投入，啲眼淚係咁流，畀人影到喊樣好尷尬，本來諗住好有型。」
採訪：黃曉妍
攝影：陳俊強
