平治車手咸姆頓周日喺墨西哥站奪冠,喺車手榜追到只係落後隊友羅斯保19分,保住衞冕希望;佢賽後就去咗當地一間保育動物嘅基金會「Black Jaguar-White Tiger」,同一隻老虎分享喜悅!咸姆頓近日就喺ig上載短片,影到隻老虎見到佢時,興奮到不斷撲上前攬住佢;而「黑帝」都好淡定咁同隻老虎玩,就算放自己隻手入老虎口都未驚過,唔知呢隻老虎係咪佢最鍾意嘅老虎女Nicole呢?