周日（6日）沙田日馬有位國際級騎師客串一期，就係澳洲好手韋紀力。
相信大家唔會對韋紀力感到陌生，他是澳洲頂級猛將之一，贏過無數大賽，歷年亦曾經來港騎過好多次，上季便替「發盈喜」喺國際賽日力挫「華恩庭」取得頭馬，「華恩庭」之後屢在級際賽建功及上名，實力或比「發盈喜」更高，但國際賽日面對「發盈喜」卻全無招架之力，事後睇番可能就係贏在韋紀力的騎功。
說回今期賽事，韋紀力共有九匹座騎之多，其中最值得留意係第八場「期惑」，以往出賽有意圖噬咬其他馬的現象，但今季年長了似乎收斂咗，上仗季內初出同程田草 1800米，大勝G1香港經典盃季軍「東方快車」近三馬位，演出大有進步。今次角逐G3婦女銀袋賽，未見真正頂級對手之餘，「期惑」本身更有113磅優勢，隨時為練馬師告東尼，贏得馬房今季首項級際賽頭馬。