潮流興集體回憶、凍齡美女，相信1987年香港小姐冠軍楊寶玲（Pauline）又係一個好例子。年近50歲嘅Pauline舊年年底第三度披嫁衣，下嫁英籍初戀情人，記得當時大家睇到着住婚紗嘅Pauline，個個都大讚佢好似只有30幾歲。唔好以為Pauline因為結婚先狂keep，最近見到佢幫六福集團（590）喺美國開第二間分店剪綵時，狀態依然好好，唔維基一下真係唔相信佢就嚟50歲。
講番六福，佢哋2003年進駐北美洲市場，先後喺加拿大同美國開設分店，新店座落紐約市法拉盛新世界商城地下，作為六福集團共同創辦人嘅Pauline喺嗰邊生活，梗係要到場做生招牌啦。