原本計劃退役從政嘅菲律賓拳王帕奎奧早前復出，周六喺美國賭城大戰東道主拳手華加斯，爭奪WBO次中量級金腰帶。37歲嘅帕奎奧周三宣佈成為中國品牌安踏代言人，佢話：「我喺鄒市明嗰度聽到好多關於安踏嘅消息，好期待一齊推廣拳擊！」呢次係中國體育品牌首次簽入《福布斯》職業運動員收入排行榜前10嘅選手，當消息禮拜二喺網絡傳開，安踏喺香港嘅股價就升咗5%。