【金馬專訪】新晉導演陳梓桓以兩年前雨傘運動為題材拍攝紀錄片《亂世備忘》，入圍本月26日舉行的台灣金馬獎最佳紀錄片，當年導演張經緯憑《音樂人生》贏過相同獎項，所不同的是《亂》片至今仍然上映無期，只以打游擊方式租場放映。
沒有想過放棄
早前陳梓桓在九龍城接受訪問，當晚《亂》片剛放映完畢，入座率達7成。紀錄片緣起在黃之鋒衝入公民廣場開始，當時陳梓桓被夾在前線學生及警察防線之人堆中，他說：「就喺嗰刻同片中主角相遇，我哋朝向同一目標，相信同一樣嘢，嗰兩個鐘我拍到一班班年輕人最有理想和勇氣一面。」當盾牌推過來時，從未想過會跟警察有「親密」的接觸。
戲中共有二十段備忘，但最令陳梓桓深刻的在旺角發生，當時在拍攝一名示威者被捉走，同一時間有警察過來打了他一拳：「你話淆底又好乜都好，真係驚。」因為一向相信執法者，所以衝擊更大。這條路看似難行，但陳梓桓沒有想過放棄，他說：「我之前都有諗過不如拍吓愛情片，或商業電影，但《亂世備忘》都肯定咗我之後所拍嘅故事，都會係關於香港社會，我覺得我離唔開呢條路。」
望金馬獎加持
對於早前5位新導演的作品《十年》造成極大迴響，但陳梓桓認為相同的事未必會在《亂》片上發生，在戲院上映暫時仍遙遙無期：「明白紀錄片比較難推，院線回覆係冇期，亦唔係好多間有回覆我哋，亦冇畀理由。」導演希望是出於商業考慮，亦希望在金馬獎入圍電影加持之下，能夠有機會在院線上映，他帶點無奈說：「條片拍出嚟除咗吸引參與運動嘅人睇之外，都想反對嘅人嚟睇，呢個係最好方法，解釋班年輕人點解會走上街。同時畀到反對件事嘅人，可重新了解運動，最想搬上院線係呢個原因。」
撰文：卓寶花
攝影：沈健程
