陳慧琳昨晚到金鐘出席品牌慶祝酒會，她曾經歷孖女小產傷痛，對於吳雨霏（Kary）亦受小產打擊，她愕然表示：「吓，幾多個月？再接再厲啦，養好身子，聽醫生指示，我咁大年紀都得，佢咁後生都得嘅，自己嗰時睇完西醫睇中醫，食多啲補品，唔好減肥。」
同場的黃宗澤否認有報道指他主動做大馬種生基度假樂園代言人，「我都講過種菜都唔識，𠵱家學種生蠔、種菜囉，呢啲對我有幫助啲，我唔係呢個宗教，我係佛教。」更自爆快跟無綫約滿，露口風有新動向，稍後會到橫店拍內地劇扮人魚。剛從意大利拍完電影的謝婷婷表示，順道探望了在英國拍《12道鋒味》的謝霆鋒和張曼玉。
採訪：羅慧敏
攝影：陳慧安
