張名雅於9月跟圈外律師男友蔡錦豪結婚，一直有傳是雙喜臨門，當時她未有否認。昨日張名雅在Instagram貼相，跟老公着孖寶兄弟Luigi綠色裝，摸着個肚公佈喜訊，她接受傳媒訪問，被問是否已陀B三個月，她說：「唔係，我哋屋企人都冇乜夠唔夠3個月先可以公佈，可能我喺加拿大長大，萬聖節咁開心，咪玩吓cosplay公佈喜訊，婚禮前幾個月都好忙，跟住去加拿大同蘇梅島都好忙，relax過後返嚟香港就同大家分享喜悅！」
張名雅不肯透露預產期，是否怕被指未婚懷孕？她說：「唔係，其實我識到老公，有咗BB都係緣份，認識佢嘅時候已經認定對方，係結婚同組織家庭嘅對象，我哋都鍾意小朋友，所以生仔結婚都係我哋嘅共同目標，有計劃同埋緣份。最緊要係我哋一家人開心快樂，BB可以健健康康。」
採訪：非非