股壇長毛David Webb一向鍾意投資二線股，聯交所最新資料顯示，佢上星期四增持咗佢隻愛股愛高（328），持股量由9.99%，去到10.02%。股東持貨超過一成，有權要求公司召開股東會，都有啲象徵意義㗎。
愛高係傳統工業股，主要生產平板電腦，舊年賣出鰂魚涌仁孚工業大廈共3層樓面獲利2.2億元，成盤數即刻靚仔晒，又派特別股息，難怪David Webb越來越鍾意佢，上星期以平均價3.018元，增持16.6萬股，涉資50萬大元。
除咗愛高，亞倫國際（684）、明輝（3828）都係David Webb嘅愛股，持股逾一成。