今天星期四，黑色星期四。狼放棄赴京，鎮守香江，唔係玩過氣萬聖節扮鬼。法庭單官司打正狼名銜，史上首次，長官具名提告，司法覆核，在在需財，擲庫房多少個千萬只是小菜一碟，主menu慢慢來，slow cook開爐，點能夠唔睇火就抽身上京呢。再講，今天的issue，是只有他一個人肉緊的港獨，全城已經丟淡，網上罵娘聲靜若蚊螢，年青人啊，風潮轉向，變心比變面更快。狼營這邊卻絕對不能鬆懈，必須趁住支那這把火未熄透前，弱火上，猛加油，讓它繼續燒，燒他媽個通頂，喚回年初一半夜旺角那場「暴亂」的黑暗記憶，連戲，至為緊要。
狼下令，急call屏山鄉紳組成萬萬萬輛旅巴湧去法院造勢，擲鞋擲屎有咁亂搞咁亂。電話那邊卻是空號，長響！再撥另一邊的武將，對方喂完馬上cut線。只好請地頭蟲召集同鄉會出動。可是啊，鄉親忙於替憂慮人民幣貶到渣都無剩的親戚走資：碌爆卡買保險、買金四圍撲銀行保險箱。強國同胞當正香港做資產避風塘，根本懶理港獨，冷酷回應狼營：政治問題，政治解決，叫你阿頭落台啦，咪阻大家搵食搵食搵食！