吉列豬扒、雞扒就吃得多，至於近年於日本韓國興起的吉列牛，你又試過未？現在不用遠赴日韓，於香港亦有得品嚐了。這間位於太子的店舖，以吉列A5和牛及吉列安格斯牛作招徠，今次記者就率先一試！ 吉列牛皮脆兼薄 六款調味料任點 該店主打的吉列牛，於晚市才出現。雖然事前師傅會將沾上特製炸粉的牛，放於炸爐輕炸約一分鍾；不過牛本身並未完全熟透，故客人需自行再燒，食法有點似韓燒。店員建議，和牛只需輕燒30秒，便可上碟；至於吉列安格斯牛，則需一至兩分鐘。不過生熟程度，實則可按個人喜好決定。記者先試吉列A5和牛，表面可見炸粉不厚，入口不會啖啖粉漿，未有掩蓋牛本身的味道。至於油花分佈均勻，吃下去啖啖油香。不過，和牛油脂高，兩二三塊下肚已覺飽滯，幸好，旁邊有六款調味料，當中和風芥末、柚子檸醋以及柚子胡椒，酸酸甜甜，剛好中和和牛的油膩感。不愛啖啖油花，可嚐嚐吉列安格斯牛，定食不用$200。同樣表層炸粉不厚，以肉味濃見稱，而且咬口十足。 晚市獨沽一味吉列牛 上述兩款定食，除吉列牛的品種不同之外，前菜如山葵汁漬白玉菇、五元硬幣般高的龍蝦薯仔沙律，以及木魚絲白飯和麵豉湯，亦全然相同，份量剛剛好。雖然該店的晚市定食獨沽一味，只有兩款牛，不過若同行人數夠多，不妨試試小食。當中如原隻日式磯燒鮑魚、味噌松葉蟹蓋以及紫蘇汁准山等。
評分﹕
食物﹕★★★✰✰
環境﹕★★★★✰
價錢﹕★★✰✰✰
（以五★為滿分）
太子西洋菜北街159號A舖
記者﹕湯珮然
攝影﹕周芝瑩
