上周三青年新政立法會議員梁領恆和游蕙禎喺部份泛民議員包圍下，成功突破保安防線入會議廳，但本周三梁游就等立法會議員劉小麗順利完成宣誓後，先自行進入會議廳。
游蕙禎今次一襲寶藍色無袖連身裙，同上一次著嘅淺藍色中學旗袍連身裙同樣搶眼，佢著住對黑色粗跟boot，照樣健步如飛，快步突入會議廳，但好快就被捉住，面對一眾保安，毛姨姨保護唔夠一陣，2人就「失散」；之後再闖會議室，佢就其他戰友一齊衝，身旁就係風波另一主角梁頌恆，八方上網睇過，有網民形容佢哋好似亂世佳咁人。
到夜晚遊行，可能天氣涼，游蕙禎就換上白樽領長袖衫襯棗紅色吊帶裙，比起喺立法會當堂顯得少女咗，但係成日又走又衝，似乎都仲係幾精神咁款喎。