事隔3年，股評人沈振盈（沈大師）本周六又孖埋行家羅尚沛，一齊喺九展舉行「串到盡財經talk show」，今年主題係「爆到七彩」。
沈大師噚日唔覺意流出幾張talk show照，最爆嘅，應該係一張佢同羅尚沛化晒恐佈妝，扮屍殺列車造型，唔知以為佢哋玩Halloween，大師預告，此乃屍殺列車內藏港股密碼。
另一張羅尚沛扮財爺鬍鬚曾，應該係打算講講特首選戰同港股關係喇。
沈大師話，2013年首次舉行talk show，反應唔錯，有700名觀眾入場，賺到少少錢。今年加碼預咗1,200個位，目前去咗一半飛，已封蝕本門。
「今年以爆做主題，係估計個市將會爆一邊」。至於爆升定爆跌？佢就大賣關子，但估計各國QE多年，係時候要還，應該就到爆煲時咁話。
