本港前冠軍練馬師葉楚航身體抱恙，這天仍一早到場戴着一個大口罩督操，穿梭來回烽火台、機坪和馬房，做足本份。這情況除反映他敬業樂業外，還顯示航哥對今期周三（11月2日）泥地夜賽非常重視，心中有馬。
咁究竟航哥身體有何不妥呢？航哥在社交網站，上載了一張自己服用的藥水、藥丸相片，航哥寫上自己發燒、咳嗽、有痰、喉嚨發炎、氣管炎、感冒周身痛等徵狀。航哥身體打敗仗，但在馬場就隨時打勝仗，今朝他到場其實主要睇「漸信名駒」、「慷慨寶」兩匹戰馬分別由潘頓及羅理雅快跳。
其中第三場五班1650米的「漸信名駒」，近兩戰均在潘頓胯下跑得亞軍，演出遠比對上兩季零上名進步，今次潘頓唔放手，再跑一戰即入Q的泥地一哩，如果贏到，簡直就係舒緩航哥不適的「特效藥」。