駐港德國使館in得頂癮，呢期教大家一個酸字。不是爺爺的乖孫啊，值得對號入座者，自己擔凳。
除了酸，五味紛陳，入腎入肺的，還有下列味兒：
爽：胡官這幾日講盡了官場無人敢講的人話，高官明明係人，在狼營治下，講來講去都是廢噏，唔爽唔脆，令人反胃。
滑：曾主席一直油嘴滑舌，唔知佢想點，政治動態滑不溜手，勁過手作拉布腸粉。哎，注意別掉轉腸粉兩個字由右邊念起啊。（叻就識自嘲：掉轉一樣咁滑！）
䊹：沒辦法，講了N年N次，阿蟲還是安坐擂台下，扮演摔角評論員。但他那張臉出賣了心裏秘密，沒見過這麼䊹口䊹面的才俊。阿爺真係累人累物，國寶都救唔番一個財金魔術師。
罨：新鮮熱辣出爐上台，邊會有陣罨味？過氣、過期，濕濕滯滯，豬肉枱上的貨色咁樣，就算掛個紫荊章做Q嘜，師奶識貨的，格過價，唔會吼。好打得的林鄭，係時候，下架。