今年22歲嘅狄易達師妹丁可欣（Yanki），7月喺YouTube放咗條短片「火雞姐搭巴士好X嬲」，短短3日已有逾百萬點擊人次，火雞姐亦因為咁喺網上爆紅，上星期二佢就係facebook同網民許下承諾，話佢個YouTube頻道如果突破10萬個訂閱，佢就扮雞遊街，點知話口未完，上星期四就已經達標，火雞姐亦即刻「找數」，噚日全日分別去沙田、旺角同中環扮雞遊街，第一站就去沙田嘅廣場，唔少粉絲專登走去搵佢。
有人掹我會打埋去
火雞姐噚日大約4點鐘去到沙田，即畀近30個女學生重重包圍，火雞姐首次玩cosplay造型，感覺係好熱，佢話：「我之前拍咗片話yanki channel喺30號過十萬人訂閱就扮雞出嚟同大家慶祝，好開心見到咁多人，不過我都預咗，有咁多人鍾意我，而我又咁受歡迎。」
問火雞姐造型係咪自己設計，因對雞眼反白？佢話：「個造型係買嘅，咁好彩箒！」火雞姐全程冇發脾氣，同平時喺網上好唔同，佢就講笑話：「我預計去到旺角會見人就鬧，今晚去中環如果人多兼有人敢行近掹雞冠同嘴，會一巴打埋去。」
撰文：馮仁昭