番薯與西多士、奶茶及撈河？這些聽上去似乎「大纜都扯唔埋」。但最近這類番薯小食卻到處可見，偶爾不想吃原個大番薯，或可嚐嚐以下幾款，過過口癮。
眼前這個紫薯撈河雖賣相麻麻，但白雪雪撈河口感清爽，剛好中和紫薯的飽滯，挺新鮮。至於普及的紫薯心太軟，以及紫薯牛奶沙冰這裏亦有，味道不過不失。
西多士你我並不陌生，至於眼前這塊，中間則夾雜番薯蓉，配上糖漿，再將一大塊牛油塗滿金黃表面，相當邪惡。食落不算太甜，仍吃到啖啖番薯味。若不想又鹹又甜，可試試這個薑味甘薯撻，如同濃縮版的番薯糖水。另外，就連紅豆硂 奶茶，番薯亦都參上一腳。紅豆番薯冰層次豐富，十分足料；至於番薯奶茶，口感則比一般奶茶濃厚，不過僅記，奶茶要趁熱飲，涼了的話，番薯似與奶茶分離，口感就變得奇怪。
(a) 三姐松記糖水
深水埗元州街 151 號地下
(b) 大番薯
粉嶺聯和墟聯昌街7號地舖
記者：湯珮然
攝影：許先煜
