周三(11月2日)沙田泥地夜馬開始，有位騎師開始客串，就係28歲意大利好手李寶利，將跑至明年3月19日香港打吡日。
好多人都知道，李寶利嘅未婚妻，就係貌似藝人廖碧兒的Kimberley Mosse，亦即係法國老牌騎師巫斯義個女，隨住李寶利重臨跑幾個月，馬迷又有機會睇到呢pair靚仔靚女，喺凱旋門晒恩愛嘅畫面。
講番周三夜馬，李寶利共策「野外桃源」、「金龍」及「勇冠王」三駒；咪以為座騎數目唔多，其實都好值得重視。原來「野外桃源」過去李寶利騎過兩次全上名得1亞1季，今仗抽4檔跑有根據的泥地一哩，梗係牌面馬。而「金龍」李寶利亦騎兩次均跑第三，人馬早有默契。
至於「勇冠王」，李寶利雖係初騎，但此駒今季兩戰非冠即亞，5歲馬明顯大熟大勇，再跑一戰即入Ｑ只輸半馬位的泥地一哩，隨時可為李寶利帶來頭馬。