香港唔少情侶都鍾意先註冊後擺酒，估唔到歷來喺奧運贏得23金嘅美國「水神」費斯都好此道。雖然佢同未婚妻妮高早喺六月嗰陣，已經秘密註冊結咗婚，不過佢哋上周末先喺墨西哥嘅聖盧卡斯岬，正正式式咁喺親朋戚友面前再行一次禮，之後，31歲嘅費斯仲喺個人社交網頁甜蜜發相。本身已經有一名囝囝嘅費斯仲話：「可能好快就有第二個小朋友呀！呢啲嘢話唔埋㗎嘛！」