【直擊報道】
旺角西洋菜南街行人專用區是旺角一線核心地段，但零售低迷，Swatch撤出巨舖後，同一條街仍有其分行，記者昨周日現場直擊，該間位於西洋菜南街62號的分店，在周日下午5時至6時的時段，拍烏蠅時間多於簽單。
旺角亞皆老街至登打士街一段西洋菜南街，全長約400米，約100個商戶走同路線，同一條街曾開3間分店的時間廊，棄租昌記大廈逾十年老分店後，目前僅餘2間分店於此地段。
同路人Swatch自難獨善其身，銀城廣場地下G8號舖執笠後，同街尚餘西洋菜南街62號分店，對正港鐵旺角站E出口，屬大單邊靚舖，然而正值人流旺的黃昏時分，只見店外人流走動，不見店內客似雲來。
記者由5時許駐足觀察1小時，實際簽單客人屈指可數，有本地人睇足30分鐘仍買不落手，至少10名客人走入去打個「白鴿轉」。黃太帶兒子入店後也揀不落手，她說：「有啲款吸引，（為何最後沒買？）諗緊會唔會第二度平啲，400幾蚊都貴㗎，唔太值。（會返轉頭買?）未必，如果8折就考慮。」