今年娛樂圈不少女星叠埋心水做人妻，她們長期花心思保養，當然不會變成「黃面婆」。但來到10月尾，絲打們又要預備過一個冇紅日的11月，望住個繁忙日程，真係未嫁都已經黃氣盡現，你話點好？
正所謂「知己知彼，百戰百勝」，究竟黃氣點嚟先？中醫師譚莉英指出，面上泛黃主要是因為脾胃虛弱，導致臟腑功能減退，唔能夠將營養物質上輸到面部，於是出現黃氣。
而西醫亦有相近解釋，當肌膚受醣化（Glycation）影響，即血糖在新陳代謝減慢時出現過剩，令血糖與身體的蛋白質結合，細胞組織結構失去彈性，容易令血管壁硬化，影響帶氧功能，令膚色暗啞。聽落真係有啲恐怖 但原來唔係冇得救，以下就有三個方法，每日25分鐘幫你內外夾擊退黃氣：
䥓按小腿內側健脾益血（12分鐘）
譚醫師教路，想望落血氣好啲，不妨得閒按摩「三陰交」呢個穴位。佢嘅位置喺內踝尖直上三吋，脛骨後緣，「用拇指指腹按揉該穴，力度以輕微酸脹感為佳，每日三次，每次按四分鐘，便可有健脾益血、調肝補腎的功效。」
𤪌熱飲桂圓紅棗茶（10分鐘）
除了按穴位，為自己沖一杯桂圓紅棗茶都可以「有效補益氣血，令面色紅潤」。材料有：紅棗2枚、桂圓6枚、紅茶10克，紅糖適量。只要將材料洗淨，放入杯中，加熱水加蓋，焗10分鐘後熱飲就可以。
𤅟選擇妝前底霜（3分鐘）
但中醫療法也需要時間，想找一些快捷見效的方式，惟有靠化妝。日本美容品牌IPSA高級美容顧問主管Joby Sin表示，想減退肌膚黃氣，便要增加肌膚透明感，「可以用相對的妝前底霜顏色幫助光線反射，令皮膚看上去更健康。比如說，我血液循環不好，便要用粉紅色。」而平時也可以用乳霜為皮膚按摩，「用化妝棉由下至上在面上按摩拉提，可以令血液循環更好，順道提升緊緻度。」
每天合共只花你25分鐘就可以靚住見人，唔係咁都懶呀？
售賣點：
（a）超級市場、便利店及莎莎
（b）超級市場
（c）IPSA 觀塘創紀之城5期apm大堂樓層C-5號舖
記者：黃樂雯
攝影：許先煜
