打工仔一般唔鍾意開會，真係有事要傾，快快趣趣傾咗佢都唔緊要，最怕係一啲為開而開、又長又悶嘅會，一田百貨前行政總裁莊偉忠都係因為主張唔開會而爆紅。國泰航空（293）內部刊物有一封員工信就反映到，國泰可能多無謂會議喎。
國泰有位收益管理部嘅同事去信《國泰天地》反映，佢話，喺國泰城入面，會議室數量有限，一直令人關注，「我們似乎有太多不必要的會議，致使同事們縱使無真正需要，亦會先行預訂會議室」。
負責嘅同事回應話，佢哋會做嘢，包括搵仲量聯行進行隨機檢查，查核會議室預訂同實際使用情況喎。唔知佢哋有冇諗過，唔好開咁多會去傾，而係爭取多啲時間落手落腳執行咪得囉。